சஞ்சய் எப்படி இருக்கான்? – விஜய்யிடம் நலம் விசாரித்த அஜித்…

கனடாவில் சிக்கி தவிக்கும் விஜய்யின் மகன் சஞ்சய் குறித்து நடிகர் அஜித் போனில் நலம் விசாரித்ததாக தகவல் வெளியாகி உள்ளது.

சஞ்சய் எப்படி இருக்கான்? - விஜய்யிடம் நலம் விசாரித்த அஜித்

நடிகர் விஜய்யின் மகன் சஞ்சய், படிப்பை முடித்துவிட்டு, குறும்படங்கள் இயக்குவதில் கவனம் செலுத்தி வந்தார். இந்நிலையில், பிலிம் மேக்கிங் படிக்க அவர் கனடாவுக்கு சென்றார். இதனிடையே கொரோனா அச்சுறுத்தல் காரணமாக இந்தியாவில் ஊரடங்கு உத்தரவு பிறப்பிக்கப்பட்டது.

இதனால் கனடாவில் இருந்து சஞ்சய் நாடு திரும்ப முடியவில்லை. இதை நினைத்து விஜய் கவலை அடைந்ததாகவும். மகனிடம் தினமும் போனில் பேசி அவரை வெளியே செல்லாமல் தனிமையில் இருக்குமாறு அறிவுறுத்தியதாகவும் செய்திகள் பரவின. இதுபற்றி அறிந்த நடிகர் அஜித், உடனே விஜய்யிடம் செல்போனில் தொடர்புகொண்டு பேசியுள்ளார்.

‘சஞ்சய் எப்படி இருக்கான்? கனடாவில் நிலைமை எப்படி இருக்கிறது’ என கேட்டுள்ளார். ‘பயப்படும்படியாக எதுவும் இல்லை. சஞ்சய் பாதுகாப்பாக இருக்கிறான் ’ என்று விஜய் கூறியுள்ளார். விஜய்யும், அஜித்தும் இதுபோல் அவ்வப்போது போனில் பேசுவது வழக்கமான ஒன்றுதான் என அவர்களுக்கு நெருங்கியவர்கள் தெரிவித்துள்ளனர்.

ஒரே ஒரு போன் கால்…. ஊரடங்கால் சொந்த ஊர் செல்ல முடியாமல் தவித்த 11 பெண்களுக்கு உதவிய விஜய்

ஒரே ஒரு போன் கால்…. ஊரடங்கால் சொந்த ஊர் செல்ல முடியாமல் தவித்த 11 பெண்களுக்கு உதவிய விஜய்…

ஊரடங்கால் சொந்த ஊர் செல்ல முடியாமல் தூத்துக்குடியில் சிக்கி தவித்த 11 பெண்களுக்கு நடிகர் விஜய் ரசிகர்கள் மூலம் உதவியுள்ளார்.

ஒரே ஒரு போன் கால்.... ஊரடங்கால் சொந்த ஊர் செல்ல முடியாமல் தவித்த 11 பெண்களுக்கு உதவிய விஜய்

சென்னையை சேர்ந்த தேவிகா உள்பட அவரது குடும்பத்தை சேர்ந்த 11 பெண்கள் கடந்த மார்ச் மாதம் தூத்துக்குடிக்கு திருமணத்திற்காக சென்றிருந்தனர். அந்த சமயத்தில் திடீரென ஊரடங்கு பிறப்பிக்கப்பட்ட காரணத்தால் அவர்கள் அனைவரும் தூத்துக்குடியில் மாட்டிக்கொண்டனர். அவர்களில் தேவிகா தவிர மற்ற பெண்கள் அனைவரும் 20 வயத்துக்குட்பட்டவர்களாம்.

கையில் இருந்த பணம் சில நாட்களில் செலவான நிலையில், பின்னர் பேருந்து நிலையங்களிலும், கோவில்களிலும் தங்கியிருந்த அவர்கள், ஒரு கட்டத்தில் சாப்பாட்டுக்கே வழியில்லாமல் திண்டாடினார்கள். இதையடுத்து தூத்துக்குடியில் உள்ள விஜய் ரசிகர் மன்ற நிர்வாகியை சந்தித்து, அப்பெண்கள் தங்களது நிலையை எடுத்துக் கூறியுள்ளார்கள்.

உடனடியாக அவர் அகில இந்திய விஜய் ரசிகர் மன்ற தலைவர் பிசி ஆனந்திற்கு தகவல் கொடுத்துள்ளார். அவர்மூலம் இந்த விஷயம் விஜய்யின் கவனத்திற்கு கொண்டு செல்லப்பட்டது. விஜய் உடனடியாக தூத்துக்குடி மற்றும் திருநெல்வேலியில் உள்ள தனது ரசிகர் மன்ற நிர்வாகிகளை போனில் தொடர்பு கொண்டு, அந்த 11 பெண்களையும் சென்னைக்கு கொண்டுவர ஏற்பாடு செய்யுமாறு கோரிக்கை விடுத்தார். இதையடுத்து அரசிடம் முறையாக அனுமதி பெற்று, அந்த 11 பெண்களும் பத்திரமாக சென்னைக்கு அழைத்து வரப்பட்டனர்.

வடிவேலுவின் கிண்டலை பாராட்டிய ரஜினி

காமெடி நடிகராக இருக்கும் வடிவேலுவின் கிண்டலுக்கு ரஜினிகாந்த் போனில் பாராட்டி இருக்கிறார்.

வடிவேலுவின் கிண்டலை பாராட்டிய ரஜினி

நகைச்சுவை நடிகர் வடிவேலு கடந்த மாதம் திருச்செந்தூரில் அளித்த பேட்டி பரபரப்பானது. அந்த பேட்டி பற்றி வடிவேலு அளித்த பேட்டியில் கூறியதாவது:-

நான் திருச்செந்தூர்ல சாமி கும்பிட்டுட்டு வெளியே வரும்போது என்கிட்ட மைக்கை நீட்டி `ரஜினி அரசியலுக்கு வந்தா நான் கட்சியைப் பார்த்துப்பேன். முதலமைச்சரா வேறு ஒருத்தரை வைக்க போறேன்று சொல்றாரே’னு கேள்வியை கேட்டுப்புட்டாங்க.

அப்போ `ரஜினிசார் சொல்றது சரிதானே யாருக்கு அந்த மனசு வரும்.

பாராட்டுறேன் அவர் சொன்னதை வரவேற்குறேன்’னு சொல்லிட்டு நான் பாட்டுக்கு மதுரைக்கு வந்துட்டேன். திடீர்னு ஒரு நாள் போன். `என்ன வடிவேலு எப்படி இருக்கீங்க?’ன்னு ரஜினி சார் பேசுனார். `

ரொம்ப நல்லா பேசுனீங்க’னு பாராட்டுனார். அதுக்கப்புறம் ரெண்டுபேரும் கொஞ்ச நேரம் மனம்விட்டு பேசிட்டு இருந்தோம். இவ்வாறு அவர் கூறியுள்ளார்.

நேரடியாக டிஜிட்டல் ரிலீசுக்கு தயாராகும் அனுஷ்கா படம்?

ஜோதிகா, கீர்த்தி சுரேஷை தொடர்ந்து அனுஷ்காவின் படமும் தியேட்டருக்கு பதிலாக நேரடியாக டிஜிட்டல் தளத்தில் வெளியாக உள்ளதாக தகவல் வெளியாகியுள்ளது.

கொரோனா ஊரடங்கினால் திரையரங்குகள் மூடிக்கிடக்கின்றன. இதனால் தியேட்டருக்கு பதிலாக இணையதளத்தில் நேரடியாக புதிய படங்களை ரிலீஸ் செய்ய ஆரம்பித்துள்ளனர். ஜோதிகா நடித்துள்ள ‘பொன்மகள் வந்தாள்’ படம் வருகிற 29-ந்தேதி இணையதளத்தில் ரிலீஸ் ஆகிறது. இதற்கு தியேட்டர் அதிபர்கள் எதிர்ப்பு தெரிவித்துள்ளனர்.

தொடர்ந்து கீர்த்தி சுரேஷ் நடித்துள்ள ‘பெண்குயின்’ படமும் நேரடியாக இணையதளத்தில் அடுத்த மாதம் 19-ந்தேதி வெளியாகிறது. இரண்டு பெரிய நடிகைகள் படங்கள் டிஜிட்டல் தளத்தில் வெளியாவது பட உலகில் பரபரப்பை ஏற்படுத்தியது.

இந்த நிலையில் நடிகை அனுஷ்கா நடித்துள்ள ‘நிசப்தம்’ படத்தையும் தமிழ், தெலுங்கு, இந்தி, மலையாள மொழிகளில் இணைய தளத்தில் வெளியிட தயாராகிறார்கள். இதில் மாதவன், மைக்கேல், அஞ்சலி, ஷாலினி பாண்டே ஆகியோரும் நடித்துள்ளனர். ஹேமந்த் மதுக்கூர் இயக்கி உள்ளார். இதன் படப்பிடிப்பு சில மாதங்களுக்கு முன்பே முடிந்து விட்டது.

ஜனவரி 31-ந்தேதி வெளியாகும் என்று அறிவித்து பின்னர் பிப்ரவரிக்கு தள்ளி வைத்தனர். அதன்பிறகு ஏப்ரல் மாதம் வரும் என்றனர். கொரோனா ஊரடங்கினால் 3-வது தடவையும் வெளியாகவில்லை. இதனால் ‘நிசப்தம்’ படத்தை இணையதளத்தில் வெளியிட பேச்சுவார்த்தை நடப்பதாக படக் குழுவினர் தெரிவித்துள்ளனர்.

என்ன ஆச்சரியம்: புது மாப்பிள்ளை ராணாவை யார் வாழ்த்தியிருக்கார்னு பாருங்க

மிஹீகா பஜாஜை திருமணம் செய்யப் போவதாக அறிவித்த நடிகர் ராணாவை ஸ்ரீரெட்டி வாழ்த்தியுள்ளார்.

தெலுங்கு நடிகர் ஹைதராபாத்தில் இவென்ட் மேனேஜ்மென்ட் நிறுவனம் நடத்தி வரும் மிஹீகா பஜாஜை காதலித்து வருகிறார். ராணா ப்ரொபோஸ் செய்ய மிஹீகாவும் ஏற்றுக் கொண்டார். இதையடுத்து ராணா தான் மிஹீகாவுடன் சேர்ந்து எடுத்த புகைப்படத்தை சமூக வலைதளங்களில் வெளியிட்டு தன் காதலை அனைவரும் அறியச் செய்தார்.

அந்த புகைப்படத்தை பார்த்து திரையுலக பிரபலங்களும், ரசிகர்களும் வாழ்த்தினார்கள். இந்நிலையில் சர்ச்சை நடிகைஸ்ரீரெட்டிராணாவுக்கு வாழ்த்து தெரிவித்துள்ளார். அந்த பெண்ணுடன் நிம்மதியாக வாழ கடவுள் ஆசிர்வதிப்பாராக என்று ஸ்ரீரெட்டி ராணாவை வாழ்த்தியை பார்த்து பலரால் அவர்களின் கண்களை அவர்களாலேயே நம்ப முடியவில்லை.

ராணாவை ஸ்ரீரெட்டி வாழ்த்தியதில் என்ன பெரிய அதிசயம் என்று நினைக்கிறீர்களா?. சென்னையில் வந்து செட்டில் ஆகும் முன்பு ஸ்ரீரெட்டி ராணாவின் தம்பி அபிராம் மீது பாலியல் புகார் தெரிவித்தார். முன்பு ஸ்ரீரெட்டி செய்தியாளர்களிடம் கூறியதாவது,

தயாரிப்பாளர் சுரேஷ் பாபுவின்(ராணாவின் அப்பா) மகன் பட வாய்ப்பு தருவதாகக் கூறி என்னை ஏமாற்றிவிட்டார். ஸ்டுடியோவில் வைத்து என்னுடன் உறவு கொண்டார் என்றார்.

பேட்டியில் சுரேஷ் பாபுவின் எந்த மகன் தன்னை ஏமாற்றினார் என்பதை ஸ்ரீரெட்டி கூறவில்லை. இதனால் அது ராணாவா, அபிராமா என்று பலரும் குழம்பினார்கள். பின்னர் தெலுங்கு செய்தி தொலைக்காட்சி சேனல் நிகழ்ச்சியில் கலந்து கொண்டு பேசியபோது தான் அபிராம் பெயரை சொன்னார் ஸ்ரீரெட்டி. மேலும் தானும், அபிராமும் நெருக்கமாக இருந்தபோது எடுத்த புகைப்படங்களையும் ஸ்ரீரெட்டி வெளியிட்டார்.

தம்பியை விளாசிவிட்டு அண்ணனுக்கு ஸ்ரீரெட்டி வாழ்த்து தெரிவித்துள்ளதால் தான் பலரும் வியக்கிறார்கள். லாக்டவுன் நேரத்தில் ஆன்லைனில் ராணா மிஹீகாவிடம் ப்ரொபோஸ் செய்தார். லாக்டவுன் முடிந்த பிறகு முறையே நிச்சயதார்த்தம் நடக்குமாம்.

ராணா, மிஹீகாவின் திருமணம் வரும் டிசம்பர் மாதம் நடக்கவிருக்கிறது. ராணாவின் வாழ்வில் காதல் வருவதும், போவதுமாக இருந்த நிலையில் அவர் மிஹீகாவை திருமணம் செய்யப் போவது ரசிகர்களை மகிழ்ச்சி அடைய வைத்துள்ளது. ஹைதராபாத்தில் பிறந்து வளர்ந்த மிஹீகாவுக்கும், ராணாவுக்கும் பொதுவான நண்பர்கள் பலர் உள்ளனர். பல ஆண்டுகளாக இருவருக்கும் பழக்கமாம். ஆனால் அந்த பழக்கம் தற்போது தான் காதலாக மாறி திருமணம் வரை வந்துள்ளது. இந்த காதல் திருமணத்தில் முடியும் என்பது ராணா, மிஹீகா ஆகியோரின் நண்பர்களுக்கும், குடும்பத்தாருக்கும் ஏற்கனவே தெரியுமாம்.

ராணாவுக்கு திருமணம் என்றதும் தெலுங்கு ரசிகர்களோ அடுத்து பிரபாஸுக்கு எப்பொழுது திருமணம் என்று கேள்வி எழுப்பியுள்ளனர். பிரபாஸுக்கு திருமணத்தின் மீது நம்பிக்கை உள்ளது. ஆனால் தற்போதைக்கு திருமணம் செய்யும் ஐடியா இல்லை என்று கூறப்படுகிறது.

பாகுபலி படத்தில் நடித்தபோது பிரபாஸ், அனுஷ்கா இடையே காதல் ஏற்பட்டது என்று பேச்சு கிளம்பியது. இதை பிரபாஸ் பலமுறை மறுத்தும் யாரும் நம்பவில்லை. பிரபாஸுக்கு அவர் வீட்டில் பெண் பார்த்துக் கொண்டிருக்கிறார்கள். ஆனால் இதுவரை ஒரு பெண்ணும் சரியாக அமையவில்லை என்பது குறிப்பிடத்தக்கது.

தற்போது லாக்டவுனால் வீட்டில் சும்மா இருப்பவர்கள் பிரபாஸுக்கு விரைவில் திருமணம் என்று வதந்தியை கிளப்பிவிட்டுக் கொண்டிருக்கிறார்கள். பிரபாஸுக்கு திருமணம் ஆகும் வரை இந்த வதந்திகளுக்கு முற்றுப்புள்ளி வைக்க முடியாது போன்று

குரங்கணிக்குச் சென்றாரா பாரதிராஜா! அடுத்த சர்ச்சையில் இயக்குனர் இமயம்…

barathiraja

கரோனாவால் மிகவும் பெரிய வகையில் பாதிக்கப்பட்டுள்ளது சென்னை. இதனால் சென்னையிலிருந்து வெளியேறும் யாராக இருந்தாலும் சென்ற இடத்தில் தங்களைத் தானே 14 நாட்களுக்குத் தனிமைப்படுத்திக்கொள்ள வேண்டும் என்பது அரசாங்கத்தின் உத்தரவு.

இதனிடையே, தனது சகோதரியைப் பார்ப்பதற்காகச் சொந்த ஊர் தேனிக்குச் சென்ற இயக்குனர் பாரதிராஜாவைத் தனிமைப்படுத்திக்கொள்ளும்படி நகராட்சி உத்தரவிட்டது. பின்னர், இந்தச் செய்தி சமூக வலைத்தளங்களில் பரவ, பாரதிராஜா வீடியோ ஒன்றை வெளியிட்டார். அதில், நான் மூன்று முறை டெஸ்ட் எடுத்ததில் கரோனா நெகட்டிவ். இருந்தாலும் மக்களின் நலனுக்காக நானும் என்னுடன் வந்தவர்களும் தேனி வீட்டில் தனிமைப்படுத்தியுள்ளோம் என்று தெரிவித்தார்.

இந்நிலையில், போடி அருகே முந்தல் சோதனைச் சாவடியில் கரோனா தடுப்புப் பணியில் ஈடுபட்ட சுகாதாரத்துறை அலுவலர் ஒருவர் தனது ஃபேஸ்புக் பக்கத்தில் இயக்குனர் பாரதிராஜாவுடன் இருக்கும் ஒரு புகைப்படத்தைப் பதிவிட்டுள்ளார். மேலும் அந்தப் புகைப்படத்தில், கரோனா தடுப்புப் பணியின் போது குரங்கணி சென்று திரும்பிய இயக்குனர் பாரதிராஜாவுடன் எடுத்துக் கொண்ட புகைப்படம் என்று கருத்தையும் பதிவிட்டிருப்பது சர்ச்சையை ஏற்படுத்தியுள்ளது. தன்னைத் தனிமைப்படுத்திக் கொண்டதாகச் சொன்ன பாரதிராஜா சுகாதாரத்துறை அலுவலர்களின் உத்தரவை மீறி வெளியே வந்துவிட்டாரா என்றும், இந்தச் சம்பவம் குறித்து நகராட்சி சேர்ந்த அலுவலர்கள் விசாரணையும் நடத்தி வருவதாகத் தகவல் வெளியாகியுள்ளது.

நடிகையின் பசி போக்க உதவிய மேக்-அப் மேன்

Border Collie

இந்தி தொலைக்காட்சி தொடர்களில் நடித்து வருகிறவர் சோனால் வெங்குர்லேகர். ஏ தேரி கலியான் தொடர் மூலம் புகழ் பெற்ற அவர் யே வாதா ராகா, சாஸ்திரி சிஸ்டர்ஸ், தேவ், லால் இஷாக், யே தேறி கலியான், அலெக்மி உள்ளிட்ட பல தொடர்களில் நடித்துள்ளார்.

சோனால் தற்போது கொரோனா ஊரடங்கில் வீட்டில் முடங்கியுள்ளார். படப்பிடிப்பு எதுவும் இல்லாததால் பெரும் பணப் பிரச்சினையில் சிக்கியுள்ளார். சாப்பாட்டு செலவுக்கு வழியில்லாமல் தவித்த அவருக்கு அவரது மேக்அப் மேன் 15 ஆயிரம் கொடுத்து உதவி உள்ளார். இதுகுறித்து சோனால் தனது இன்ஸ்ட்ராகிராம் பக்கத்தில் எழுதியிருப்பதாவது:

எனக்கு பணம் தர வேண்டிய தயாரிப்பாளர் நீண்ட காலமாக பணத்தை கொடுக்காமல் இழுத்தடிக்கிறார்கள். அதனால் அடுத்த மாத செலவுக்கு காசு இல்லை என்று என் மேக்கப் மேனிடம் கூறினேன். அவரின் மனைவி வேறு கர்ப்பமாக உள்ளார், அதனால் பல செலவுகள் இருக்குமே என்று எனக்கு அவரை நினைத்து கவலையாக இருந்தது.

என் மேக்கப் மேன் எனக்கு அனுப்பிய மெசேஜை நான் எதிர்பார்க்கவே இல்லை. அந்த மெசேஜை பார்த்து என் கண்களில் கண்ணீர் வந்துவிட்டது. மேடம் என்னிடம் ரூ. 15 ஆயிரம் உள்ளது. உங்களுக்கு தேவை என்றால் அதை பெற்றுக் கொள்ளுங்கள். என் மனைவிக்கு பிரசவம் ஆகும் நேரம் திருப்பிக் கொடுத்தால் போதும் என்று அவர் தெரிவித்தார்.

எனக்கு லட்சக் கணக்கில் பணம் தர வேண்டியவர்கள் நான் போன் செய்தால் அட்டென்ட் செய்வது இல்லை. மேலும் என் எண்ணை பிளாக் செய்வதுடன் நான் கஷ்டப்பட்டு சம்பாதித்த பணத்தை எனக்கு கொடுக்க அவர்கள் தயாராக இல்லை.என் மேக்கப் மேன் பங்கஜ் குப்தாவை என் குடும்பத்தில் ஒருவராக நினைக்கிறேன். அவர் கொடுத்த பணம் பெரிய விஷயம் அல்ல. அவர் என்னை பற்றி நினைத்தது தான் பெரிய விஷயம் என்று தெரிவித்துள்ளார்.

அருண் பிரசாத் மரணம் : ஷங்கர் இரங்கல்

Border Collie

இயக்குனர் ஷங்கரின் உதவியாளரும், ஜிவி.பிரகாஷ் நடிப்பில் உருவாகி வந்த 4ஜி படத்தை இயக்கி இயக்குனராக களமிறங்கிய அருண் பிரசாத்(வெங்கட் பாக்கர்) சாலை விபத்தில் இன்று(மே 15) காலை பலியானார். முதல் படம் வெளியாகும் முன்பே அவர் மரணத்தை தழுவியது 4ஜி படக்குழுவினரையும், திரையுலகினரையும் சோகத்தில் ஆழ்த்தி உள்ளது.

இயக்குனர் ஷங்கர் டுவிட்டரில், என் முன்னாள் உதவியாளரும், இளம் இயக்குநருமான அருணின் திடீர் மறைவு சோகத்தை ஏற்படுத்தி உள்ளது. எப்போதும் இனிமையானவர், நேர்மறையானவர். கடின உழைப்பாளி நீ. உனக்காக எப்போதும் பிரார்த்தனை செய்வேன். உன் குடும்பத்தினருக்கும் நண்பர்களுக்கும் என் ஆழ்ந்த இரங்கல் என தெரிவித்துள்ளார்.

தளபதி விஜயை பார்த்து பொறாமைப்பட்ட தல அஜித்.. ‘சுச்சி லீக்ஸ்’ சுசித்ரா போட்ட புது குண்டு!

தளபதி விஜயை பார்த்து பொறாமைப்பட்ட தல அஜித்.. ‘சுச்சி லீக்ஸ்’ சுசித்ரா போட்ட புது குண்டு!

நடிகர் விஜயை பார்த்து நடிகர் அஜித் பொறாமைப்பட்டதாக பாடகி சுசித்ரா தெரிவித்துள்ளார்.

தற்போது லாக்டவுன் என்பதால் திரைத்துறையை சேர்ந்த பல பிரபலங்களும் போன் மற்றும் தங்களின் கேன்டிட் கேமரா மூலம் எடுக்கப்படும் வீடியோக்களை ஷேர் செய்து வருகின்றனர். பல பிரபலங்கள் சோஷியல் மீடியாக்களில் லைவ் சேட் மற்றும் வீடியோ கால் மூலமாக தங்களின் போட்டோக்களை பகிர்ந்து வருகின்றனர்.

யாரோ பெரிய கை

யாரோ பெரிய கை அந்த வகையில் பிரபல பாடகியும் சுச்சி லீக்ஸ் சர்ச்சையில் சிக்கியவருமான ஆர்ஜே சுசித்ரா ஊடகங்களுக்கு வீட்டில் இருந்தப் படியே நேர்க்காணல் அளித்து வருகிறார். சுச்சி லீக்ஸ் விவகாரத்திற்கும் தனக்கும் சம்பந்தம் இல்லை, அதற்கு பின்னால் யாரோ பெரிய கை இருக்கிறார்கள் என்றார்.

அஜித்தை சந்தித்தேன்

இந்நிலையில் மீண்டும் ஒரு ஊடகம் ஒன்றிற்கு அளித்த பேட்டியில் அஜித் குறித்து பேசியிருக்கிறார் சுசித்ரா. அவர் கூறிய அந்த விஷயம்தான் தற்போது இணையத்தை கலக்கி வருகிறது. அதாவது பார்ட்டி ஒன்றில் பங்கேற்றபோது தான் அஜித்தை சந்தித்தாக கூறினார்.

எப்படி இப்படி அமையுது?

அப்போது விஜயின் வேட்டைக்காரன் படத்தில் தான் பாடிய ஒரு சின்ன தாமரை பாடலை அஜித் வெகுவாக பாராட்டியதாகவும் கூறினார். மேலும் விஜய்க்கு மட்டும் நல்ல நல்ல பாடல்களாகவே கிடைக்கிறது என்றும் செல்லமாக பொறாமைக் கொண்டார் என்றும் வேடிக்கையாக கூறியுள்ளார் சுசித்ரா.

கடைசி பாடல்

வேட்டைக்காரன் படம் பாபு சிவன் என்ற அறிமுக இயக்குநரின் இயக்கத்தில் கடந்த 2009ஆம் ஆண்டு வெளியாகி சக்கைப் போடு போட்டது. இந்தப் படத்தில் விஜய் மற்றும் அனுஷ்கா ஷெட்டி ஆகியோல் லீடிங் ரோலில் நடித்தனர். சுசித்ரா கடைசியாக அனிருத் இசையில் வணக்கம் சென்னை படத்தில் அய்லசா அய்லசா பாடலை பாடினார் என்பது குறிப்பிடத்தக்கது.

மாஸ்டர் படத்தின் புதிய அப்டேட்.. வெறித்தனமாக நடக்கும் போஸ்ட் புரொடக்ஷன் பணிகள்…

மாஸ்டர் படத்தின் போஸ்ட் புரொடக்ஷன் வேலைகள் தொடங்கியுள்ளதாக இயக்குநர் லோகேஷ் கனகராஜ் பக்கத்தில் தெரிவித்துள்ளார்.

நடிகர் விஜய் நடித்து முடித்துள்ள திரைப்படம் மாஸ்டர். மாநகரம் மற்றும் கைதி ஆகிய படங்களை இயக்கிய இளம் இயக்குநர் லோகேஷ் கனகராஜ், இப்படத்தின் மூலம் முதன்முறையாக விஜய்யுடன் இணைந்துள்ளார்

இந்த இயக்குநரின் இரண்டு படங்களும் ரசிகர்கள் மத்தியில் நல்ல வரவேற்பைப் பெற்றதினால் விஜய்யின் படத்திற்கும் பெரிய எதிர்பார்ப்பு நிலவி வருகிறது.

இப்படம் ஏப்ரல் மாதம் வெளியாகும் என முன்பே அறிவிக்கப்பட்டிருந்தது. ஆனால், உலகம் முழுவதும் கொரோனா அச்சம் பரவி வருவதால் படம் வெளியாவதில் தாமதம் ஏற்பட்டது.

இதடையே, மாஸ்டர் படம் பற்றி மற்றும் ஒரு சுவாரஸ்யமான தகவல் கசிந்துள்ளது. இந்தப் படத்தில் விஜய் இரட்டை வேடத்தில் நடித்துள்ளதாகக் கூறப்படுகிறது. மேலும் தீபாவளிக்கு மாஸ்டர் வெளியாகும் எனவும் தகவல் வெளியாகியுள்ளது. இதனால் விஜய் ரசிகர்கள் உற்சாகமடைந்துள்ளனர்.

இந்நிலையில் மாஸ்டர் படத்தில் போஸ்ட் புரொக்ஷன் வேலை நடைபெற்று வருவதாக இயக்குநர் லோகேஷ் கனகராஜ் கூறியுள்ளார். இது தொடர்பாக அவர் தனது இன்ஸ்டாகிராம் பக்கத்தில் எனது போஸ்ட் புரொடக்ஷன் பணிகள் தொடங்கின எனக் கூறியுள்ளார்.

ஆனால் படம் வெளியீடு தொடர்பாக எந்தத் தகவலையும் அவர் பகிர்ந்து கொள்ளவில்லை. மீண்டு படத்தின் வேலைகள் தொடங்கியுள்ளதால் விஜய்யின் ரசிகர்கள் மிகுந்த எதிர்பார்ப்பில் உள்ளனர்.